Aktivt år for Vårsøg 4H

Den medlemsstyrte klubben har i 2024 hatt 19 medlemmar mellom åtte og 15 år. Leiar for klubben har vore Simone Akrim, og med seg i styret har ho hatt Stella Røen, Aimee Kalvik Foss, Kristian Lu og Signe-Lill Bævre. Vaksne i klubben kallast klubbrådgjevarar, og har Unni Bævre i spissen. Klubben som i år feira fem år, har hatt eit aktivt år, med leik, friluftsliv, volleyball, leirar og felles prosjekt.

Vinterleik

Klubben trivst godt ute i snøen, og hadde i vinter først akedag på Eidet med feiring av klubben som vart fem år 19. februar, så snøscooterdag på Langhaugen og i mars var det karneval i akebakken i Øyatrøa.

Arrangement

Klubben er heller ikkje redd for å bli med på eksterne arrangement. 17. februar deltok klubben på familiedag på biblioteket, og 20. april hadde klubben stand på Eiksenteret da det var arrangert Vårtreff.

Prosjekt

Medlemmar i 4H gjennomfører kvart år eit prosjekt. Dette kan gjerast individuelt eller i lag med fleire. I år var det gjennomført fleire flotte individuelle prosjekt, mellom anna dyrestell, bygge olabil, lære om fuglar og å lage eiga lavalampe. Dei eldste jentene i klubben hadde som prosjekt å vere trivselsagentar og dokumentere det arbeidet. Attåt hadde heile klubben som felles prosjekt å stable og pakke ved i sekkar for salg og inntekt for klubben.

Volleyball

På første møtet i 24 vart medlemmane overraska med muligheta til å spele volleyball. Volleyball er ein tradisjonell 4H-aktivitet, og det er alltid turnering på fylkes- og landsleir. Ein fast gjeng i klubben har trena volleyball kvar veke, og fem stk. deltok på nattvolleyball i Nordmørshallen første helga i mars.

Leirar

I år var både fylkesleiren og landsleiren ganske langt unna, på Åheim og Voss, men Simone tok likevel turen til begge, og tilbragte mykje tid på Vestlandet denne sommaren. Klubben hadde sin årlege lokale leir i oktober, villmarkshelg på Vaulen. Det er alltid stor stas.

Fylkesarrangement

Kvart år blir det arrangert "superhelg" i regi fylkeslaget, der kan styremedlemmar lære om dei ulike styreverva, eller delta på trivselsagentkurs. Dei tre eldste jentene har vore trivselsagentar i år, og var med på superhelga og to trivselsagentsamlingar. Elles blir det arrangert "storkurs" som er ei samling med aktivitet, kurs og kos. I august brukar det vere regionsamlingar. I år var det i Bøfjorden, arrangert av fylkeslaget i samarbeid med Røsslyngen 4H.

Haustfest

19. oktober vart den årlege haustfesten arrangert på frivilligsentralen. Haustfesten markerer slutten på 4H-året. Det var fullt hus, loddsal, servering, framvising av prosjekt, leik og spel.

Sponsorar

Klubben vil takke Surnadal kommune og Svorka for økonomisk støtte.

Vi ønskjer oss fleire medlemmar, og ønskjer alle velkomne til å bli med oss. Ta gjerne kontakt med nokon du kjenner i klubben, leiar Simone eller klubbrådgjevar Unni om du er interessert. Følg oss gjerne på Instagram: varsog4h