Tre frå Surnadal på landslaget i EM

Det svingar bra om dagen. Klubben har no tre avdelingar. Ei i Surnadal, ei på Ålvundeid, og det nyaste tilskuddet er eit vaksenparti på Sunndalsøra. I tillegg er det linjefag på Nordmøre Folkehøgskule. Fleire velger også andre linjer på skulen fordi dei kan få trent i klubben å kveldstid.

Klubben har tilbod både for barn, ungdom og vaksne. I tillegg til dei ordinære treningane, er det konkurranstrening på søndagane, og ein time ekstra med kickboksing for den som ønker å vera med på det. Ein kan velge å vera med på det ein vil, men ein må vera medlem i klubben. Kickboksinga er det fleire dyktige gjestetrenarar som skal ha, i tillegg til Anders Braaten som er lærar på Nordmøre Folkehøgskule.

Artig med EM-uttak

Una Langeland, Aurora Berle og Kristian Gjersvold skal med til EM i Spania i slutten av november. I tillegg er Una med på eit digitalt VM i mønster. Gjengen gler seg til å kunne vera ute å konkurrere igjen etter eit slitsom covid- år. Korleis nivået er veit ingen, for alle har hatt problem med å få gjennomført treningane slik ein ønsker det siste året. Det er greiast med mønster der det ikkje er kontakt, men i sparring må ein ha ein motstander, eller medspelar, å trene med. Men det er ein optimistisk gjeng som skal på landslagssamling i oktober. Før EM er det også eit NM, og der reknar klubben med at dei vil stille med rundt 10 utøvarar.