Høyring av klimabudsjett for Surnadal kommune

Surnadal kommune sender ut klimabudsjett på høyring. Klimabudsjettet set mål for utslepp fram til 2035.

Måla er oppdelte i tre delar og strekkjer seg frå 2022 til 2035. Hovudutval for tenesteutvikling gjorde eit vedtak 05.02.2025 om at ein i høyringa skal føreslå følgjande mål:

1. Utslepp frå all verksemd innanfor kommunegrensene: Same mål som dei nasjonale måla fram til 2035, korrigert for potensial i ulike sektorar.
2. Utslepp frå fjernvarme, reiser og drivstoff i kommunen si verksemd: 60 % reduksjon.
3. Straumforbruk: 40 % reduksjon i forbruket og straumen skal vere fornybar.
4. Det er føreslått at nedgangen skal vere lineær.
5. Utslepp frå innkjøp vert haldne utanfor måla på grunn av at dette er vanskeleg og ressurskrevjande å berekne. For å likevel gjere ein skilnad innan dette området, vedtok HTU at klima og miljø skal vektleggast 30 % i alle innkjøp, noko som òg er lovfesta.

Vi ber om innspel innan 31.03.2025. Innspelet må vere skriftleg og sendast til kommunen på e-post (post@surnadal.kommune.no) eller post (Bårdshaugvegen 1, 6650 Surnadal).

Du finn høyringsdokumentet her.