Frå Afrika til Sæterlia

16. mars vart andre og siste runde i freeskicupen i Sæterlia arrangert. Det var ca. 50 deltakarar totalt. 27 superkids (under 10 år), som køyrer utan poeng, og 23 i klassane over. Litt fråfall i juniorklassane og lite jenter denne gongen, men det var mykje heftige svev, og glade ungar. Den største klassen var kids gutar (fødd 2011-2013), med 13 deltakarar. To av deltakarane i denne klassen deltok for første gong. Med sju og fire månader butid i Noreg, har ikkje Samuel Duku frå Sør Sudan og Hakim Mughusa frå Kongo lang erfaring med snø. Begge er ti år i år. Gutane er ivrige i slalombakken, og veldig tøffe i parken. Dei hoppar på dei største hoppane. Skikkelege tøffingar. Klassen Kids gutar vart vunne av Håkon Aune, medan Martin Sørlie stakk av med seieren i yngre junior gutar (fødd 2008-2010). I juniorklassen (2005-2007) imponerte Jarand Husby Haugen med cork 9 og vann. Simone Akrim hadde ikkje konkurrentar i kveld, men leia frå første runde og tok da glatt seieren. I seniorklassen er det synd Kristian Slettås ikkje får konkurranse. Han hoppa godt og fekk ein fin poengsum. I dameklassen kan underteikna vere glad ho ikkje hadde konkurranse. Ein flott kveld i bakken med mykje publikum, herleg ver og god stemning.