ANNONSE, LEDIG STILLING:
Driftsleiar vatn og avløp
Fast 100% stilling
I Teknisk Drift skal vi tilsette ny driftsleiar for vatn og avløp i 100% fast stilling.
Det er for tida mykje spennande som skjer innafor VA - området i Surnadal kommune med planlagde oppgraderingar både for vatn og avløp.
Stillinga sitt ansvarsområde er å leie og administrere vedlikehaldsarbeidet på kommunale VA-anlegg, delta i planlegging av nye investeringar og følgje opp investeringar og utbygging på VA – området.
Stillinga inngår i team saman med personar annan administrasjon og drift med ulik fagkompetanse. Næraste overordna for stillinga er einingsleiar for Teknisk Drift. Stillinga inngår i vaktordning for VA-området.
Ønska kvalifikasjonar:
- Det søkes primært etter ingeniørkompetanse innafor fagområda vatn og avløp. Anna relevant utdanning i kombinasjon med erfaring frå fagfeltet kan også vere aktuelt
- Gode norskkunnskapar, muntleg og skriftleg
- Gode IT – kunnskapar
- Førarkort kl. B
Arbeidsoppgåver:
- Administrere dagleg drift av kommunen sine VA – anlegg
- Planlegge, prosjektere og følgje opp utbyggingsprosjekt
- Vedlikehald av Gemini VA leidningskart og VA register
- Andre oppgåver som kan bli lagt til stillinga
Vi kan tilby:
- Varierande arbeidsoppgåver med gode mulegheiter for eigenutvikling i eit triveleg arbeidsmiljø
- Ein organisasjon med god kompetanse
- Eit godt utbygd IKT- og driftsovervakingssystem
- Gode pensjons- og forsikringsordningar
- Løn etter avtale
- Flyttegodtgjersle etter reglane i personalplan
Søknadsfrist: 25.april 2025