Julekonsert i Rindal kirke

Oversiktbildet over kirkerommet med aktørane og nokre av dei mesta 300 tilhørarane.
Alle aktørane i lag med mesta 300 tilhørarar avslutta konserten med Deilig er jorden.

"Julen er her"

Korleis skal vi klare ei helg og ein kvardag til før "Julen er her" etter denne flotte julekonserten i Rindal kirke? - tenkjer eg seint fredag kveld. 

Publisert
Musikkorpset Blæst'n
Etter velkomstord frå arrangøren Kor Gøttj, Bjørn Børset, opna Blæst'n konserten med When you wish upon a star. Dei følgde opp med Rotmos Vårres jul der Kor Gøttj tok stilig oppstilling og supplerte korpset med song.
Blæst'n og Kor Gøttj
Kor Gøttj
Kor Gøttj med dirigent Dagrun Løset framførte Nå kommer jula hit og DDEs Et ord vart lys, med Bettina Røen Helgetun som solist.
Kine Leona Stokke-Stenersen song akkompagnert av Dagrun Løset.
Kine Leona Stokke-Stenersen song julesongane En stjerne skinner i natt og Nordnorsk julesalme for oss akkompagnert av Dagrun Løset.
Ung songar under strålane frå lyskrona i kirka.
Strålande song!
Ida Storholt
Ida Storholt song Når snøen smelter og Nå tennes tusen julelys. Akkompagnementet på playback svikta under den eine songen, men Ida fullførte utan å la seg forstyrre av det. Godt gjort!
Lene Steinshamn Fredriksen med althorn akkompagnert av Bjørn Vevang
Godt å høre dei mjuke tonane frå althornet til Lene Steinshamn Fredriksen igjen. I lag med tonane kantor Bjørn Kleivenes Vevang lokka fram frå flygelet framførte ho Mitt hjerte slltid vanker og Pie Jesu (Andrew Lloyd Webber).
Tordenskjold Songlag med dirigent Elin Persson.
Tordenskjold Songlag med Elin Persson som dirigent gledde oss med Tenn lys av Tveit og Skeie, og så med det mest eksotiske innslaget, Carol of the Bells, Ukrainas mest kjente julesong, som dei tileigna alle våre nye sambygdingar. Det vart mottatt med applaus frå forsamlinga. Klokkeklangen kom godt fram!
Lene Gåsvatn på preikestolen
Sokneprest Lene Gåsvatn hadde andakt.

Tankane sokneprest Lene Gåsvatn delte desse tankane med oss:

Dette er refleksjonar som – fint sagt – kom til meg då me øvde på nummeret Kor Gøttj song i lag med Blæst’n. Og av alle, er det Hans Rotmo som inspirerer meg til det eg no skal seia:

Sjølv eg har såpass til forstand at eg forstår kvifor han vart så populær. Fordi: Om han ikkje akkurat skriv til oss, så skriv han om folk me kjenner svært godt.

For eksempel kjenner både Hans Rotmo og eg folk som må ha det rundvaska til jul. Kvar enn dei måtte ta energien ifrå.

Og i likheit med mora til Hans Rotmo vil eg gjerne ta fram både engla, stall og raud girlander.

Om me ikkje likar å omgje oss med pyntegjenstandar til vanleg, så gjer det seg svært godt med jula.

Vesle Hans Rotmo var med og kleiv opp ferr å sjå ka som var inni den julestjerna som brann som hu ha brinni.

Herleg! Der har du bror min. Han som alltid skulle finne ut av ting og forske på korleis det hang saman. Heldigvis hadde han respekt for straum etter å ha lært på den ubehagelege måten.

Vesle Rotmo klatrar opp for å sjå kva som er inni den lysande julestjerna. Det kunne gjerne bror min også gjort. Og mange andre.

Lene viser fram ei lysande lampe i ledning frå preikestolen.
Soknepresten illustrerer andakten.

Kva finn med der? Truleg noko så kjedeleg som ein lampehaldar med pære. Faktisk så trivielt og lite pent at det er greitt å kamuflere heile greia med ei glitrande stjerne som lyset kan skine igjennom.

Kva som er inni?

Eit herleg spørsmål som driv verda framover. Og kanskje også innover.

Me tek det med oss – ikkje berre når me nysgjerrige og forventningsfulle skal pakke opp gåvene som måtte liggja under treet, men også til alt dette som fyller vårres jul med forventning og press, tradisjon og kommersialitet i meir eller mindre skjønn foreining:

Kva er det som ligg inni, under og bak alt i hop?

Eit nyfødt, lite barn. Sveipt og lagt i ei krubbe fordi det ikkje var plass for dei i herberget.

Visstnok skulle han vere både frelsar og glede for alt folket. Visstnok skulle han vera – ikkje berre vårres jul, men også vårres frelsar og vårres glede.

Han er det som er inni jula – og julas djupaste meining. Merk presensforma: Han er!

Han er eit mysterium det er vel verd å bruke både tid og energi på å forske på og finne ut av.

Lukke til!

Håkon Glærum Svanem ved flygelet.
Håkon Glærum Svanem overraska med ei mjuk og leikande tolking av Debussy sin Claire de Lune så vi såg for oss streif av måneskinn bak skyene ute.
Brassbandet Edelweiss Brass
Brassbandet Edelweiss Brass tok oss med til Alpane med klangen sin, sjøl om fjella mangla inne i kirka. Dei framførte Himlen i min favn av Häggkvist og Hillestad, og Away in Manger av Kirkpatric.
Vi noterer at dei kvite skjortene sto i stil til namnet.
Tormod med oppstilling både i kordøra og langs veggene.
Songkoret Tormod framførte første nummeret sitt med mennene i kordøra, damene langs begge veggene og flygel med dirigent i midtgangen. Originalt, men fint lydbilde.
Songkoret Tormod
Songkoret Tormod med kantor Bjørn Kleivenes Vevang som dirigent og ved flygelet delte Amazing grace av Newton/Courtney og Rutters Christmas Lullaby med oss. Gode mannsstemmer gjev solid botn og er alltid ein styrke for eit kor, men her hadde vi kraft og fylde i heile breidda.
Stian Kooymann og Bjørn Kleivenes Vevang
Stian Kooyman akkompagnert av kantor Bjørn Kleivenes Vevang hadde sterk framføring av Nå tennes tusen julelys og Mot lys - frå TV-serien Snøfall
Blæst'n med dirigent og solist Olav Morten Tørset.
Blæst'n med dirigent og solist Olav Morten Tørset runda av konserten med Walking in the air av Howard Blake, og til slutt Billy Butts kjente Julen er her!
Oversiktbildet over kirkerommet med aktørane og nokre av dei mesta 300 tilhørarane.
Alle aktørane i lag med mesta 300 tilhørarar avslutta konserten med Deilig er jorden.
Rindal kirke i vinterdrakt
Rindal kirke bak trær i vinterdrakt.
rindalsnytt rindal kirke nyheter
Powered by Labrador CMS