Salmekonsert i Todalen

- Kom og syng med oss, seier soknerådets John Moe (t.h.) og viser bidragsytar J.S. Bach. Hos Arne G. Fiske, Ann Magret Botten og Liv Marit Kvande tittar Grieg, Schubert og Beethoven fram frå sine notelinjer i salmeboka.

Klassisk og folkeleg

Salmekonsertar fyller mange av landets kyrkjer for tida. Som lokal pådrivar inviterer koret P17 onsdag til songkveld i Todalen kyrkje.

Bernt G. Bøe INNSENDT BIDRAG
Publisert Sist oppdatert

- Her svingar det stilmessig frå bedehus og søndagsskule til Mozart og Beethoven, seier styret i koret.

Prosjekt 17 fører an i salmekonserten. Her frå Åsskard kyrkje i haust.

Mange tonar av klassiske komponistar er nemleg å finne i «Norsk Salmebok». Til sluttkoret frå Beethovens 9. symfoni har Eyvind Skeie skrive «Ærens konge». Til «Hans navn skal være Jesus» låner boka «Der Lindenbaum» av Schubert. Bak «Deg være ære» finn vi sjølvaste G.F. Handel.

- Salmistane brukar også musikk av Mendelssohn, Bach, Grieg og Sibelius, seier P17-leiar Bernt Bøe. 

- Og visste du at den flotte misjonssalmen «Din rikssak» har melodi av lillebror Michael Haydn?

Den friske melodien til misjons-slageren «Din rikssak» er frå ei messe av Johann Michael Haydn – «lillebror» til den meir kjende Joseph.
Mozarts tone til den østerrikske nasjonalhymnen står også i salmeboka vår og blir sungen i originalversjon denne kvelden!

Ramma om salmekonserten er «Songperler året rundt». Koret legg overstemmer til mykje av allsongen. Dertil syng dei eigne korsatsar av Bach og Mendelssohn før dei avrundar kvelden med Petter Dass-salmen «Den liuse Dag gaar under»

Turid Røen Kroknes er solist i songar av Bach og Kverno. Tove Elin Strand legg vakre fløytetonar oppå deler av programmet.

Turid Røen Kroknes – i mange år distriktets fremste alt-solist.
Tove Elin Strand deltek med fløyta si.

Todalen sokneråd er arrangør saman med koret Prosjekt 17.

todalen kyrkje surnadalsnytt nyheter prosjekt 17
Powered by Labrador CMS