Kritisk til innlegg i sosiale medium: - Skammeleg!

Møtet starta med orienteringar frå ordføraren. 

Bekymringsfull nedgang i elevtal

Pedersen uttrykte bekymring for framtida for Surnadal vidaregående skole, og andre vidaregående skular i fylket. Fylkestinget i Møre og Romsdal vedtok før jul å sjå på skulestukturen i fylket. Det pågår ei utgreiing no, og høyringa kjem i juni med svarfrist til hausten. Bakgrunnen for utgreiinga er at statisikken viser ein betydeleg reduksjon i elevtalet i dei vidaregående skulane i Møre og Romsdal i løpet av dei neste 15 åra, og denne utviklinga kjem raskast i den nordlige delen av fylket. Elevtalet ved Surnadal vidaregående skole vi halde seg nokså stabilt dei tre - fire komande åra, men etter kvart vil det begynne å synke. Ordføraren sa at denne saka må følgast tett, og at det er viktig at kommunen spelar på lag med næringslivet og den vidaregående skulen for å sjå kva det blir behov for i framtida.

Ny beredskapsplakat for kommunen

Ordføraren viste og fram ein beredskapsplakat som kommune har fått laga. Den viser ei oversikt over viktige telefonnummer, og oppmøtepunkt og kontaktpunkt i bygdene ved bortfall av strøm og telekommunikasjon. Ordføraren sa at han ønsker at alle innbyggarane i kommunen gjer seg kjent med dette, og særleg dei ulike oppmøtepunkta rundt om i kommunen. Dette er dei plassane der ein kan møte opp dersom alt går i svart. 

Han minna og om at alle må passe på å ha beredskapslager med vatn, mat og nødvendig utstyr for ei veke.

– Skammeleg!

Ordføraren tok og eit oppgjer med sosiale medium, og nevnte spesielt ei lokal facebookside med omtrent 3000 følgarar. Han siterte nokre kommentarar om han sjølv som ordførar, og om kommunepolitikken elles, og desse kommentarane er han er svært kritisk til. Han understreka at han sjølv ikkje følger den aktuelle facebooksida, men at andre sender han skjermbilde innimellom. Det er betenkeleg at opp til 3000 personar kan følge med på dette, meinte ordføraren. Og det er ikkje berre surnadalingar. Han nevnte at nokon kanskje sit ein annan stad i landet og vurderer å søke jobb i Surnadal, og søker opp Surnadal og får opp dette. Og han trur at det er mykje å finne på nettet som er verre enn det han har referert til.

– Eg har eitt ord, og det er skammeleg. Det skader Surnadal. Eg har sagt tidlegare, at døra mi står åpen, og det gjer Lars Inge si dør også. Det går an å komme og snakke med både meg og kommunedirektøren. 

– Eg synes at vi skal ta sterk avstand frå det som blir sagt i sosiale medium, både om oss politikarar og om Surnadal. Vi må framsnakke Surnadal. 

På direkten invitere ordføraren administratoren av den nemnte facebooksida til ordførarkontoret for å ta ein prat. 

– Hvis han har lyst til å seie at eg er en idiot, så vil eg at han skal si det til meg med innestemme på 30 centimeters avstand, og eg skal spandere kaffe og kaker. Så håpar eg at vi kan rette opp litt. Eg prøver i alle samanhengar, så godt eg kan, å framsnakke Surnadal, og så ser eg at det foregår noko på nettet som er så ødeleggande.

Han la og inn ei referanse til mobbing, og til den store hopen som står i ringen rundt. Alle er uenige i at det skjer, men ingen grip inn.

Til slutt minna Pedersen om at kommunestyret har eit arbeidsgiveransvar. Han sa at han ønsker at alle fokuserer på "vi-følelsen". 

"Mild peikefinger"

Kommunedirektør Lars Inge Kvande kom i si orientering igjen med det han kallar ein «mild pekefinger». Han sa at han sjølv og andre leiarar i kommunen har fått tilbakemeldingar frå medarbeidarar som har opplevd at avdelingane deira har vore "snakka ned" på ein måte som ikkje sømer seg. Når medarbeidarar begynner å reagere, og næmast kvier seg for å gå på jobb, fordi det blir omtala som at det ein gjer er bortkasta, det ikkje er nokon vits, at det er for mange som arbeider der osv., så er ikkje det greit. Kommunedirektøren sa at han har ei forventning til leiarane i kommunen, og setter krav til dei. Vidare sa han at når det gjeld Surnadal kommunes øverste arbeidsgivar­representantar i kommunestyre­t så har ei forhåpning om at dei óg er bevisst på ansvaret sitt, og korleis dei omtaler den organisasjonen som dei er ansvarlege for, også i sosiale media, og særleg no i svært krevande tider.

Tok lærdom av jordskred

Kommunedirektøren snakka óg litt om beredskap, og om det kraftige jord- og leireskredet som gikk utenfor Surnadalsøra på kvelden 5. mars. Raset førte til at vegen vart stengt i en periode. Naudetatane rykka ut, og delar av kriseleiiinga i kommunen vart samla på kommunehuset. Fire bolighus med til saman ti personar vart evakuert i nesten eitt døgn. Heldigvis gikk det ganske bra med både folk og bygningar. Det kunne ha gått verrre.

Kvande viste at skredet gikk like vest for eit såkalla aktssomhetsområde for jord- og flomras, som er markert på NVE sitt aktsomhetskart. Surnadal kommune leigde inn ein geolog frå NGI, for gjere ei kartleggig i ettertid. Konklusjonen er at ei mindre fylling for ein skogsveg under skogsdrift har blokkert ei kløft der vatnet normalt har rent unna når det har vore mykje nedbør. Det er no sett i gang oppryddingsarbeid i bekken ovanfor Surnadalsøra 111, for å gjenetablere situasjonen slik den var tidlegare. Når dette arbeidet er fullført vil det ikkje lenger vere nødvendig med evakuering ved mykje nedbør. 

Kommunedirektøren sa at skred-hendinga har vore evaluert grundig i ettertid, og at ein har lært ein del av det. Det gjeld óg at ein må vere merksam på driftsmetodar ved skogsdrift, og ha kontroll på vassvegar og bekkar som kan ta nye løp. 

Orientering om ulykka i alpinsenteret

Helge Røv, som er dagleg leiar ved Surnadal alpinsenter, ga ei detaljert orientering om ulykka som skjedde i alpinsenteret på kvelden måndag 17. mars, der ei jente på 7 år vart hengande fast etter startnummeret sitt i skiheisen. Surnadal alpinsenter er eit kommunalt selskap. Helge Røv la ikkje skjul på at dette var ei svært alvorleg ulykke, og at det var ei sjokkerande oppleving. Han påpeika at ein generelt aldri kan vere heilt sikker på at det ikkje skjer ulykker i eit alpinsenter. Det gjeld alle former for fysisk aktivitet.

Ordføraren og kommunedirektøren fekk beskjed om ulykka kort tid etter at den skjedde. Deretter vart kriseteamet i kommunen varsla, og politiet fekk beskjed. Statens havarikommisjonvar kontakta dagen etter, og dei kom til alpinsenteret neste dag. Rapporten frå havarikommisjonen er ikkje klar enno.

Det er no avklart at jenta ikkje får varige men etter ulykka, og ho seier at ho vil opp i alpinbakken igjen neste sesong. Helge Røv takka fleire personar som var til stades i alpinsenteret den kvelden, og som bidro til at det gikk så bra som det kunne gå, når ulykka først hadde skjedd.

Sjå opptak av heile møtet på Kommune-TV: