Sesongavslutning for Barn i løypa

Sju torsdagar i løpet av januar, februar og mars har barn i alle aldrar hatt glede av å samlast på Nordmarka for å gå på ski. Barn i løypa er ein populær treffstad for barna, og for foreldre, besteforeldre og dei som er med. 

Det blei ei flott avslutning med strålande vêr. Litt hardt føre stoppa ikkje barna frå å gå runde på runde. Langrennsgruppa i Surnadal IL skal ha ros for at dei år etter år arrangerer dette flotte arrangementet som både er sosialt og skaper skiglede frå tidleg alder.

Da barna i løypa sa seg ferdige med ski for denne gongen fekk dei levere inn startnummera sine i bytte mot ein flott medalje. For mange blei det deretter ein tur til kiosken for å få seg noko søtt og godt.

Med mange nye minne frå skisporet for dei minste, er vinterens vakraste eventyr over for denne gang.