Naturvernforbundet – nye medlemmer og ny leiar

I løpet av ti år har medlemstalet dobla seg i Møre og Romsdal. Nokre melder seg inn for å hjelpe Naturvernforbundet med saker i sine lokalmiljø. Andre bidrar med sin kontingent. Verna vassdrag, fiskeoppdrett, store vegprosjekt og stadig nokon som vil bygge noko både i strandsona, i nærområda og mot villreinfjellet, det er nokre av utfordringane. Spørsmål om forbruk og ureining er også stadig aktuelle tema.

Stadig nye medlemmer. Stadig nye oppgåver. Leiaren i Naturvernforbundet i Møre og Romsdal er også ny, sjølv om han har vore medlem lenge. Per Ingebrigt Karbø er lærar og småbrukar, og bur på Hellesylt.