LESERINNLEGG:
![Eivind Hasle](https://image.trollheimsporten.no/121321.webp?imageId=121321&x=17.53&y=5.13&cropw=36.00&croph=30.78&width=960&height=798&format=jpg)
Kven fortener ei flaske vin?
Pensjonistlaget har hatt møte, og fleire bidragsytarar
har ifølgje referata gjort seg fortente til ei flaske vin.
Det synest bli meir og meir vanleg å gi vinflasker som gåver eller honorar. Og det er uproblematisk så lenge det dreier seg om alkoholfri vin. Men dessverre: mange gjevarar og mottakarar oppfattar ikkje vanleg vin som alkohol, noko som også er med og forsterkar den jamne auken i alkoholbruk som har vore gjennom pensjonistane sine liv, frå ca 3 liter rein alkohol pr person over 15 år i 1950, til ca 5 liter i 2000, og rundt 7 liter i dag.
Alle organisasjonar bør ha i mente at slett ikkje alle er glade for å få alkohol som gåve eller honorar. Nokre ønsker prinsipielt å leve rusfritt, andre har eller har hatt slike erfaringar med alkohol at dei ikkje bør triggast med alkohol. Og vi pensjonistar bør også ha spesielt i mente at alkohol og medisinbruk ofte er ein svært uheldig kombinasjon.
Så derfor bør vi alle ha tenkt skikkeleg gjennom: Kven fortener eigentleg ei flaske vin?
Eivind Hasle
6650 Surnadal