Åsskard onsdag

Mykje i notemappa denne gong er bibelinspirert musikk, seier Ann Magret Botten, Per Arne Hyldbakk, Bente Krangnes Edvardsen og dei andre i koret P17

Bibelsongkveld – kva er det?

Bibelen har inspirert til musikk i over tusen år. Koret P17 inviterer til bibelsk song og kåseri i Åsskard-kyrkja onsdag 2. april.

Bernt Bøe / Sekretær Åsskard sokneråd innsendt bidrag
Publisert Sist oppdatert

Allsong og klassisk

Prosjekt 17 fører an i allsongen og byr på klassiske verk som Beethovens Lovsang, Mendelssohns Ave Maria og Hallelujakoret frå Handels Messias.

Julekveldsvisa, gospelsongar, spirituals og oratorier har utspring i Bibelen - både ordrett og indirekte. I særstilling står tonar av Bach. Med sine bibeltolkingar fekk han tilnamnet Den Femte Evangelist.

Babbel og Tornerose

Attåt songen deler aktørane verbalinnslag med både eventyr og artige dagleguttrykk. Kva har Alltid freidig med Tornerose å gjera? Kvifor seier vi babbel og syndebukk? Og kva betyr eigentleg Halleluja?

Eva Jorid Svendsen (frå venstre), Kari Johanne Aarnes og Aashild Settemsdal oppfordrar folk til å ta med og stille ut forskjellige biblar på bibelskonserten onsdag

Bibelutstilling

Bibelen er tidenes bestseljar. Rundt i heimane finst eldgamle klenodier og sprudlande nyutgåver av boka. Difor oppfordrar Åsskard sokneråd folk om å bidra til ei variert og spennande bibelutstilling i kyrkja denne onsdagskvelden.

Konserten er gratis, men med høve til å gi kollekt. Soknerådet ordnar enkel severing etterpå.

ANNONSE:

åsskard kyrkje kyrkja i surnadal nyheter surnadalsnytt åsskard sokneråd
Powered by Labrador CMS