"Kråkånj flyg i maganj"

For bortimot fullsett storstue i kulturhuset spelte kulturskuleelevane den flotte eigenproduserte og tverrfaglege forestillinga "Kråkanj flyg i maganj". Gode musikkinnslag og velkoreograferte dansar blir innramma av teatergruppene si treffande skråsyn på absolutt dagsaktuelle samfunnstendensar. Kunstfaggruppene har stått for scenografi og effektfulle kostyme som sette prikken over i-en, slik at dette vart ei flott og heilskapleg oppleving.

I ei fugleverd leier ramnanae Hugin og Munin oss gjennom ei komplisert problemstilling der vi får sjå kommuneadminstrasjon gjere grep for å få meir likes i sosiale media. Fuglebefolkninga i kommunane får beslaglagt telefonane sine for at adminstrasjone skal ha fleire telefonar å trykke likes med. Dette medfører sjølvsagt stress i adminstrasjonen, og ikkje minst, store forviklingar og problem blandt innbyggarane som er vane med å ha telefon. Kanskje noko subusungdommaen kan kjenne seg att i? Ikkje ein gong å bake bollar går an utan oppskrift på telefon. Telefonavhengiheita vår blir sett på spissen, og vaksne si kløning med sosiale media blir humoristisk framstilt. Det heile blir løyst med telefonkurs med innleigd influencar frå Austlandet, og alle får att telefonane sine, men bruken blir nok meir balansert. Herleg, mangesidig og veldig aktuelt!

For fleire bilde, bla i bildeserien med pilene.