![Tom Godtland, Rindal Næringsforum og Morten Møller, Rindal kommune ønsker deg velkommen til Kulturvøkku 2021!](https://image.trollheimsporten.no/134624.webp?imageId=134624&x=13.28&y=17.63&cropw=74.42&croph=82.27&width=968&height=714&format=jpg)
Kulturvøkku 2021 nærmar seg
For andre år på rad får vi ei nedtona Kulturvøkku i Rindal, men det blir mykje kultur i Rindal dagane frå fredag 25. juni til søndag 4. juli, og det blir Torgdag lørdag 3. juli.
Torgdagen lørdag 3. juli blir det mest omfattande arrangementet. Den vil foregå i Rindal sentrum frå Rutebilstasjonen (parkering) til Villa Vestheim med boder for mesta 60 utstillarar! Det blir også arrangert eit Rebusløp i sentrum i regi av Rindal Næringsforum.
Strenge koronareglar gjeld: 1 meters avstand, spriting og handvasking, og kjem du frå by eller bygd med strengare reglar, så skal du følgje restriksjonane heimafrå!
Det stilles og krav om å registrere kontaktopplysningar til dei gjestane som samtykker til det. Det kan gjerast digitalt med scanning av QR-kode, eller skriftleg på liste fleire plassar på området.
Vakter i gule vestar vil sjå til at det ikkje samlar seg for mykje folk på kvar plass.
Det blir ingen scene, og sitteplassane blir spreidde.
- Vi følgjer dei smittevernråda vi har fått, men til slutt er det likevel kvar einskild som må ta ansvar, seier Tom Godtland, ledar for Rindal Næringsforum.
![Tom Godtland og Morten Møller ønsker seg gode, varme dagar under Kulturvøkku 2021.](https://image.trollheimsporten.no/134626.webp?imageId=134626&x=0.00&y=1.81&cropw=78.60&croph=98.19&width=968&height=544&format=jpg)
- Kulturvøkku 2021 opnar med ein alternativ bøgdakveld fredag 25. juni i Torshall, fortel kulturledar Morten Møller. Liksom dei andre innadørsarrangementa blir det redusert innslepp av publikum.
I løpet av veka blir det to opne kunstutstillingar, kunstauksjon og tre foredrag, mellom anna presentasjon av ei bok om Landsemski, som kjem snart.
Elles i veka blir det kyrkjekonsert, husmøte, kulturvandring, quiz og tunmesse.
Sett av dagane og følg med for nærare presentasjon av programmet her på Trollheimsporten!