Melding om uønska hending etter koronavaksinering i Surnadal

Vedkommande hadde fått ein uventa kraftig reaksjon og bad difor om helsehjelp. Etter undersøking på sjukehus vart vedkommande utskriven same kveld og skal no ha det bra.

Kommuneoverlegen ser alvorleg på hendinga og vil foreta ein rutinemessig gjennomgang.

– Vi kan ikkje utelukke ein samanheng med vaksineringa og avventar konklusjon frå sjukehuset.

Kommunedirektør Knut Haugen vil på vegne av organisasjonen ta kontakt med den tilsette.

– Eg blir sjølvsagt bekymra når ei slik uønska hending skjer med ein tilsett og vil ønskje vedkommande riktig god betring. Vedkommande vil bli fulgt godt opp av arbeidsgjevar framover.

Dersom andre skulle få uventa, ikkje bagatellmessige reaksjonar etter observasjonsperioden under vaksineringa, bør ein kontakte fastlegen eller legevakta for vidare helsehjelp.

Surnadal kommune held no fram med koronavaksinering med den velprøvde vaksinetypen frå BioNTech/Pfizer.