En prest og noen konfirmanter foran i ei kirke under en gudstjeneste.
Evangelielesinga: Prost Vidar flankert av konfirmantane Syver og Emilie med prosesjonslysa. I klokkarstolen: Randi V. Bøe.

Åsskard denne søndagen

Som einaste gudsteneste på indre Nordmøre vart søndagens samling i Åsskard kyrkje ei fin oppleving – med godt besøk. 

Bernt G. Bøe INNSENDT BIDRAG
Publisert Sist oppdatert

Gudsteneste er alltid eit samspel. Og her var mange 15-16 unge og vaksne aktørar med på laget attåt dei hundre i forsamlinga.

Tenesteoppgåver

Konfirmantane deltok i ulike roller – var vertskap, ordna salmeliste, bar kors og lys i prosesjon, assisterte da vesle Tyrild og Jesper vart døypte, leia deler av forbøna og var endatil «TV-teknikarar» som sørga for at salmetekstane gjekk ut på TV. Gudstenesta vart nemleg streama på kyrkja sitt nett..

En mann og to unge gutter som sitter med teknisk utstyr foran seg.
TV-teamet på galleriet: Kyrkja sin altmulegmann Tor Rune Halset med konfirmantane Levion (nærast) og Varg – som sørga for at salmetekstene kom ut på nettet.

Idol og fans

Prost Vidar Rygh leia samlinga. I preika over Lukas-teksten om «Jesu herlegdom» sette han kritisk lys på vår tids idol-dyrking med store grupper av fans. Tankevekkande var det faktisk da han ordrett oversette «idol» til «avgud».

En prest som står i ei kirke og preker.
Også denne gong formidla Vidar Rygh aha-opplevingar i preika si.
Fire damer som sitter på rekke med sangbøker og ark foran seg.
Trugne songarar danna kor også denne gongen: Inger (frå venstre), Kari, Kirsten og Turid la klangar til salmane og formidla kormusikk til inn- og utgang.

Korsong – saft og kaffe 

Ei songgruppe gav løft og glans til salmane og framførte kornusikk til inn- og utgang. Dagens takkoffer gjekk til Kirkens Nødhjelp. Og etterpå var det fullt rundt borda og hyggeleg prat i Kyrkjestua, der Grete Ingunn og Aashild serverte saft, kaffe og mykje godt attåt.

nyheter gudstjeneste kyrkja i surnadal surnadalsnytt
Powered by Labrador CMS