Slo Kolstad

Det var eit aggressivt heimelag, som gjekk rett i strupen på gjestane frå Trondheim, og fleire sjansar vart produsert før kamp-uret viste 10 min og det var vel fortent då Sondre Bolme, etter nydeleg angrep, sette ballen i nota etter elleve minuttars spel! Kolstad kom noko meir inn i kampen etter dette og var eitpar gonger farlege framom rindalsburet utan at det blei nettsus.

Men etter 17 minuttar måtte Anders Grytbakk i heimelagets mål kapitulera og Kolstad klarte å utlikna Rindals leiing. Så ut til at det var ei skåring av den enkle sorten og noko mot spelets gong. 1-1

Gleda til gjestane skulle dog vera av den kortvarige sorten, då berre 3 minuttar seinare så var Daniel H.Eide frampå etter litt rot i Kolstadforsvaret og sette ballen kontant i nettet! Rindal opp i ei 2-1 leiing noko som òg vart pauseresultat i ein underhaldande omgang mellom to gode lag.

Sjølv om gjestane var med på notane i første omgang, vart andre omgang omtrent einvegskøyring frå heimelaget. Eit særdeles solid stopparpar på rindalslaget, hadde få problemar med å stogge Kolstads forsøk. Geir Magne Glåmen og Edvard Fjerstad spelte ein meget god kamp og rydda opp i stor stil, slik at rindalskeeper Grytbakk nesten ikkje fekk kjenna på ballen i 2. omgang.

Steinar Gjeldnes kom inn som innbyttar i andre omgang, og skapa gong på gong ubalanse i dei bakre rekker til gjestane. Godt innhopp! Men sjølv om det var eit klart spelemessig overtak til Rindal,med sjansar i bøtter og spann, så gikk det nesten 60 minuttar før nettkjenninga skulle koma. Og det var Martin Fjerstad som klarte å finne vegen til nettmaskane til 3-1.

Etter dette var aldri heimelaget trua og det vart ein svært fortent seier 3-1.

Heimelaget ligg no på 4. plass på tabellen, men berre 2 poeng unna andreplassen så det blir spennande å følgje laget denne haustsesongen!

Trollheimsporten gratulerar!

For kampfakta, trykk https://www.fotball.no/fotballdata/kamp/?fiksId=8432191