Fjellgruppa Surnadal pensjonistlag
![Vi 35 spreke pensjonistar kom oss til topps](https://image.trollheimsporten.no/293656.webp?imageId=293656&x=0.00&y=0.00&cropw=100.00&croph=100.00&width=960&height=644&format=jpg)
Tur til Ørnnebba
Vi køyrde frå Nordvik, opp bomvegen, Blomlivegen. Parkerte ved enden av vegen, ved inntaksdammen, 380 moh. Derifrå starta vi, i alt 35 pensjonistar (ny rekord!!), opp Blomlia mot målet Ørnnebba. Stien var merka og gjekk i myrterreng.
![Opp Blomlia Mennesker i turklær på vei opp lia](https://image.trollheimsporten.no/293655.webp?imageId=293655&width=960&height=548&format=jpg)
![Godt å finne kjølig drykk opp den bratte Blomlia](https://image.trollheimsporten.no/293661.webp?imageId=293661&width=960&height=548&format=jpg)
![Ingrid Nordvik ser ned på hytta si og Nordviksetra](https://image.trollheimsporten.no/293665.webp?imageId=293665&width=960&height=548&format=jpg)
![Guiden Ingrid skuer ut over vakre Nordvikstranda](https://image.trollheimsporten.no/293663.webp?imageId=293663&width=960&height=548&format=jpg)
Utan overdrivelse, ein "kjøle" bratt sti! Så
det var godt å kome opp på fast berg og fjellplattå. Men vi fekk
i alle fall att for strevet; fantastisk utsyn over fjell, fjordar, og ikkje minst
den vakre Nordvikstranda!
Og vi tok ein velfortent lang matpause like under
toppen av Ørnnebba, 674 moh.
![Matpause i fjellets sjeselong](https://image.trollheimsporten.no/293667.webp?imageId=293667&x=0.00&y=0.00&cropw=100.00&croph=100.00&width=960&height=644&format=jpg)
![Flott utsyn frå Ørnnebba til fjella sør for Todalen](https://image.trollheimsporten.no/293669.webp?imageId=293669&width=960&height=548&format=jpg)
![Ved Ørnnebbas varde 674 moh](https://image.trollheimsporten.no/293671.webp?imageId=293671&x=0.00&y=0.00&cropw=100.00&croph=100.00&width=960&height=644&format=jpg)
![På tur nedatt](https://image.trollheimsporten.no/293673.webp?imageId=293673&x=0.00&y=0.00&cropw=100.00&croph=100.00&width=960&height=644&format=jpg)
På nedturen gjekk vi ein liten avstikkar bort til
der Svinviksetra ( Nysetra) låg. Ingrid Nordik guida oss.
Fjøset vart bygd i 1906, og seterskjelet i 1910.
Men setra fekk hard medfart. Vinteren 1953 tok eit stort snøskred med seg
seterfjøset, så siste setring vart i 1952. Og i 1977 gjekk
det på nytt eit stort snøskred, eit godt stykke unna setra, men vindgufsen
etter skredet var så kraftig, at seterskjelet blas over ende. Det
einaste vi kunne finne etter setertufta, var ei grå. gammal gjerdepåle. Det kunne vore fint for ettertida at denne
setertufta hadde vorte merka og fått ei lita tavle om
Svinviksetras historie og lagnad.
![Her var Svinviksetra som vart teke av snøskred](https://image.trollheimsporten.no/293675.webp?imageId=293675&x=0.00&y=0.00&cropw=100.00&croph=100.00&width=960&height=644&format=jpg)
Vi hadde vergudane med oss denne gongen og, - sol og varme på heile turen. Men på bilturen heim, kom styrtregnet! Griseflaks!