Fjellgruppetur til Garbergfjellet

Denne gongen gjekk fjellgruppeturen austover, til nabobygda vår, Rindalen, og til Garbergfjellet. Stor takk til Ingeborg, som fekk tak i to gjeve vegvisarar, Inge og Odd Inge. Enkelt slik: om vi kom frå dei, ropa vi berre Inge, og einkvan kom. 

Vi la i veg frå skytebanen etter fin veg og sti, og kom etter kvart fram til ein lang og høg steinutgard. Vi stoppa og tenkte i vørdnad på alt slitet som låg attom dette minnesmerket over farne tiders rindalingar. 

Regnet som hadde truga oss vart lettare, men det vart ikkje motbakken. Men takk vere god hjelp frå nabobygdingane kravla vi oss opp og opp og ut av skogen og opp i sol og bortimot flatland. 

Ved enden av stien, på toppen var det overlag fin utsikt og ei fin, åpen hytte. Det var godt å sette seg i ly for vinden og få i seg næring. Stor takk til Rørvatnet Vel! Fantastisk utsikt rundt omkring! Og takk til Odd Inge for gau orientering! 

Så bar det ein lettare sti nedatt, litt knall og fall, men alle kom fram til bilane med mange fine opplevingar i minnet. Enno ein gong STOR TAKK til Inge og Odd Inge for orientering og god guiding!