Pris til Extra Rindal

Frukt og grønt-avdelinga
Innbydende "Frukt og Grønt"-avdeling

Extra Rindal årets butikk

Framfor 900 i salen mottok butikksjef Birgitte Kattem, Extra Rindal, prisen for beste Extra-butikk i Region Midt. Det skjedde under den årlege landssamlinga for butikksjefar på Gardermoen.

Publisert

Landet er delt i fire regionar, og det var i Region Midt at Extra Rindal fekk prisen som beste butikk med omsetning under 60 millionar.

- Det var stort å ta imot denne prisen framfor 900 i salen, seier butikksjef Birgitte Kattem. - Dette er resultat av eit godt lagarbeid av ein gjeng dyktige kolleger!

ved frukt og grønt-området i extrabutikken
Birgitte og Marit presenterer eit innbydande "Frukt og Grønt"-område

Grunnlaget for prisen er ei rekke nøkkeltal for 2022. Butikkane blir vurdert mellom anna på omsetningsutvikling og kor nøgde kundane er. Extra Rindal skårer godt over gjennomsnittet på desse nøkkeltala.

Dagens betjening med prisdiplomer og pokal
COOP Extra Rindal med begge prisane dei fekk for 2022. Dagens betjening var frå venstre: Marit Berset Løset, Birgitte Kattem, Kine Grøset og Inger Grete Moen.

Premien er, som du ser på bildet, kr 10 000,- som skal brukast på sosialt tiltak for dei tilsette.

- Da må vi finne på noko på ein søndag, for dei andre dagane er nokon av oss på jobb frå kl.7.00 til 23.00, seier ein smilande butikksjef.

Tidlegare i år fekk dei pokal og diplom for Årets Extrabutikk i COOP Nordvest.

Birgitte med pokal og diplom
Birgitte Kattem viser stolt fram pokal og diplom som dei fekk litt tidlegare i år, Årets Extrabutikk COOP Nordvest
kassaområdet coop extra rindal
Ein fornøgd kunde avsluttar handelen
Birgitte ved kontorpulten
Butikksjefen må også ta seg av kontorarbeid!
næringsliv extra rindal rindalsnytt surnadalsnytt nyheter
Powered by Labrador CMS