Bøfjordhelga

Tre personer i fotballballdrakter oppstilt for fotografering på en fotballbane.
Fredrik, Gøran og Mia Settemsdal etter kampen. Fredrik med vinnarhatt og sjokolademedalje som straffevinnar, Mia på «utlån» frå damelaget til Molde.

Feiande start 

Med feiande fotball, feststemt publikum og spennande quiz starta Bøfjordhelga fredag kveld. Leikarvollen stadion og grendahuset var godt besøkt.

Bernt G. Bøe INNSENDT BIDRAG
Publisert Sist oppdatert

Vennskapskampen mellom aldersblanda lag frå Bøfjorden og Halsa/Valsøyfjorden i strålande sommarver vart ein flott start på kulturhelga. Heimelaget, ei effektiv blanding av veteranar i 50-åra og yngre talent ned til 16 år, hamla bra opp med gjestane. 

At fotballinteresse og evner går i arv, kom tydeleg fram ved at to veteranar på banen begge hadde to barn med - forutan at far og sønn Henrik og Birk Blekken også deltok på Bøfjord-laget!

Den jamne og underhaldande kampen endte 4-2 til vertane, etter scoringar av Birk Blekken, John Heggem jr, Kjetil Rønning og Arthur Rosvoll Bøe. 

En som scorer i en fotballkamp.
2-1 til Bøfjorden! Gjestekeeper og forsvar resignerer etter at John Heggem jr (nærast, i gult) har scora.
Tre menn i fotballdrakter, oppstilt for fotografering på en fotballbane.
Tre målfarlege blad Heggem: Jakob (frå venstre), John junior og pappa John (Nonnon).
Ei dame som snakker i mikrofon.
Gunnhild Vetleseter Bøe var speaker og ordna med trekning på «matkupongane».

I pausen var det straffekonkurranse for dei yngste. Den gjekk etter utslagsmetoden, og mange talent fekk vist seg. Fredrik Settemsdal vann – med mange scoringar av høgaste EM-klasse.

Etter fotballshowet heldt fredagskvelden fram med meir konkurranse - no som lag-quiz i eit fullsett Bøfjorden Grendahus.

Et forsamlingslokale fullt av folk som sitter rundt småbord.
Fullt rundt borda i grendahuset under quiz-konkurransen.
kultur surnadalsnytt bøfjorden bøfjordhelga nyheter
Powered by Labrador CMS