en mann og to damer ved utsiktspunkt over fjorden
Bølia er ikkje høg, men gir flott utsikt: Havet og Kristiansund i vest, vidare Blåfjellet og Skreå med Tustnastabbane bak «og fagraste fjorden i fanget».

Fjell og fjord på museet

Naturoppleving, åstader og terrengnamn står på søndagens museumsplakat i Bøfjorden. Mest fjell, men også litt fjord.

Bøfjorden Historielag innsendt bidrag
Publisert

Flotte bilete frå storslått landskap fyller lerretet. Her vil trimopplegget «Turar i Bøfjorden» utfalde seg på mange vis: Stimulans til å koma seg ut. Gjensyn med «åstader» for liv og drama. Terrengnamn som fortel mangt.

Bilde av trimboks
Kort og lett tur til trimposten ved Svarttjønna.

Ønskjer innspel

Også for den som av ymse grunnar ikkje kjem seg til sjøs eller til fjells, vil sikkert bileta gi gjensynsglede rundt kaffebordet.

Ved tuftene av Utistusetra på Heggem står ein merkeleg steinfigur. Kva fortel den?
Høgbrua ved Leikarvollen. Her startar Gammelvegen til Settemsdalen

Arrangøren ønskjer kommentarar til namn og stader i terrenget. Kvifor «Åbitshaugen» og «Håkkåsteinen»? Kva drift var det på Hjelmkona? Kvar finn du «Kobben»? Og: Står den grøne fyrlykta eigentleg på Tangneset, slik Kartverket påstår?

Kva med ein tur på idylliske Åsskardfjorden?
Anders Melling har forsert Gauphammaren attmed Bøseterdalen
Kva kongenamn ligg i steinskrift oppe på Hjelmen?
Langs Håkkåsteinsvatnet mot steinen som markerer både fylkesgrensa mot Trøndelag og bytet mellom fleire gardar i Bøfjorden og Halsa.

Naturoppleving til kaffen

Opplevingar av ymse slag vil krydre biletkåseriet «Frå fjell til fjord». Du får sikkert lyst til å bli kjent i nordmørsk landskap - anten ved eiga vandring eller som her, frå kaffebordet.

Og kaffen, pølsene og tilbehøret er det Mayse og Gunhild som serverer denne søndagen på Bøfjorden Sjøbruksmuseum.

surnadalsnytt bøfjorden bøfjorden sjøbruksmuseum bøfjorden historielag nyheter
Powered by Labrador CMS