Feststemning på Nordmarka

På ein heilt vanleg onsdagskveld i februar var stemninga stor, skigleda enorm og deltakinga absolutt upåklageleg da Barnas mini-VM vart arrangert. Til og med veret var på lag. Ei stor skokk ungar hadde møtt opp for å gå på ski i lag på Nordmarka.

Barnas mini-VM er ein årleg omreisande skikarusell med arrangement i alle skikretsane. Det er løyper i fleire nivå, musikk, lys, maskotar,  og ikkje minst, premiar til alle. Det er ikkje tidtaking, og fokuset er på leik og samhald. I år er det gjort ekstra stas på, slik at alle kan komme i stemning til VM i Granåsen neste vinter.

I anledninga så er VM-maskoten Snedi med på tur. Her var det ikkje spart på noko, sjølv om Sparebanden, maskotane til samarbeidspartneren Sparebank 1 Nordmøre, dukka opp for å halde Snedi og ungane med selskap.