Annonse
Juletrefest i Rindal
Håp
- Eit nytt år ber håp i seg, sa Berit Moan Møkkelgård da ho ønska velkommen til juletrefest på Rindal Menighetshus første søndagen i 2025. Det var mykje snø, men den er kvit og rein, og sola skein i liene.
Lene prest heldt fram med nyttårstankar i andakten sin.
Nyttårsforsett kan vere noko ein skal begynne med, eller noko ein skal slutte med. Det nye året må bli betre, håpar ein.
Vidare minte ho om den gamle klokkarbøna i kyrkja. Der heiter det mellom anna
" - og forbedre mig hver dag i et hellig liv og levnet."
Dette får vi ein ny sjanse til å gjere kvar morgon i det nye året, 365 dagar!
Gode tankar å ta med seg.
Før matpausen fekk vi presentert ein gave som vi hadde lagt merke til framme i menighetshuset. Det var ein modell i papp av Rindal kirke laga av Ali Ahamd Mhmoud frå Syria. Han bur i Rindal Prestegard saman med familien sin og har studert kyrkja godt på nært hald. Ali er ein kar med svært godt handlag! Soknet fekk gaven via Inger Kjelås som er nabo med Ali.
Etter ein matpause med saft, kaffe og god brødmat var det bordkonkurranse og trekning på gratislotteri. (Betalinga vart frivillig gave til Rindal Sokn).
Og det var sjølvsagt rikeleg med gang rundt juletreet!
